Жеке инвестор ерекше білім беру қажеттіліктері бар балаларға арналған колледж ғимаратын салды
Алматы әкімі Ерболат Досаев «Алматы мемлекеттік технологиялар және флористика колледжінде» болды, қала басшысына жаңа оқу корпусын көрсетті, деп хабарлайды almaty-akshamy.kz
Өткен ғасырдың 40-жылдарында салынған апатты ғимараттың орнына тұрғызылған жаңа ғимарат инклюзивті білім беру үшін қажетті барлық заттармен жабдықталған, «Алтын Сапа ALM» ЖШС жеке инвесторының ақшасына 900 млн теңгеден астам сомаға салынған.
Бүгінде колледжде түрлі мамандықтар бойынша 893 студент оқиды, оның ішінде 195 студент ерекше білім беруді қажет ететіндер. Енді студенттер жаңа технологиялар бойынша салынған бірегей оқу кабинеттерінде білім алады. Жаңа ғимаратта шеберханалар, акт және тренажер залдары, мүгедектерге арналған санитарлық торап, көтергіш, киім ауыстыратын бөлмелер бар.
Колледж инновациялық технологиялармен және оқытудың озық әдістерімен жабдықталған, бұл есту қабілеті шектеулі студенттерге еңбек нарығында сұранысқа ие мамандықтарды алуға мүмкіндік береді.
Колледждің негізгі міндеттерінің бірі-мүмкіндігі шектеулі студенттерге әлеуметтік көмек көрсету, сапалы білім мен кәсіби даярлыққа жағдай жасау.
Студенттердің келесі мамандықтар бойынша білім алуларына болады: жиһаз өндірісі, тігін өндірісі және киімді модельдеу, аяқ киім ісі, автомобиль жөндеу слесары, компьютерлік аппараттық оператор, гүл өсіруші - флорист.
Оқу орнын аралаған Ерболат Досаев оқу процесінің барысымен танысты. Қала басшысы инклюзивті қаланың қолжетімді және сапалы әлеуметтік инфрақұрылымы бар тең мүмкіндіктер қағидаттарын енгізу Алматы әкімдігі жұмысының басты міндеті болып табылатынын атап өтті.