Алматыда үш жыл ішінде 50-ден астам білім беру нысаны жаңартылып, оқушы орындарының тапшылығы азайды
Алматыда қала әкімі Ерболат Досаевтың тапсырмасымен 2022 жылдан бастап 50-ден астам білім беру нысаны салынды және жаңғыртылды. Олардың қатарында 7 балабақша, 47 мектеп және 4 оқушылар үйі бар, деп хабарлайды aqshamnews.kz
Қазіргі уақытта тағы 47 білім беру нысанының құрылысы мен жаңғырту жұмыстары жалғасуда: 7 балабақша, 37 мектеп (оның ішінде 21 мектеп «Жайлы мектеп» жобасы аясында), 2 колледж, 1 мамандандырылған «Жанұя» интернаты.
Аталған жобалар жүзеге асқаннан кейін оқушы орындарының тапшылығы шамамен 5 мың орынға дейін қысқарады. Қала мектептері біртіндеп бір ауысымды оқу форматына көшіп жатыр.
Ерболат Досаевтың бастамасымен «Мектеп автобусы» жобасы сәтті іске асырылды. Оның арқасында 16 мыңнан астам оқушы қала шетінде орналасқан шағын аудандардан мектептерге ыңғайлы әрі қауіпсіз жағдайда қатынау мүмкіндігіне ие болды.