Алматыда Діни радикализм мен экстремизмнің алдын алу мақсатында уағыз айту мәдениеті мен бірізділігін қалыптастыруға арналған семинар өтті.
Биыл 28 шілдеде Алматының Бас имамы Төлеби Оспан қалалық Орталық мешітте имам-ұстаздарға арналған «Уағыз айту әдебі мен мәдениеті» тақырыбында семинар өткізді. Бұл туралы Қазақстан мұсылмандары діни басқармасының Алматы қалалық өкілдігінің баспасөз қызметі хабарлады.
Семинар барысында Төлеби Оспан Алматы мешіттеріндегі уағыз жұмысының бірізді болуының маңыздылығын және діни құндылықтарды дұрыс жеткізудің қажетін атап өтті.
Наиб имам Қуаныш Әбішев әлеуметтік желілердегі уағыз айту әдістемесі туралы айтып берсе, баспасөз хатшысы Гүлзира Жидебай діни уағыз үлгісін жүйелеу жайында баяндама жасады.
Сонымен қатар, бас имам БАҚ-пен жұмыс істейтін имамдарға сұхбат беруде және тұрғындардың сұрақтарына жауап беру барысында ҚМДБ-ның пәтуаларына сүйенуді тапсырды.