Алматыда денсаулық сақтау мәселелері жөнінде Үйлестіру кеңесінің отырысы өтті, - деп хабарлайды Аqshamnews.kz тілшісі.
Денсаулық сақтау нысандарын қамтамасыз ету және медициналық қызмет көрсетуді мониторингтеу – басым бағыттардың бірі.
Жыл сайын медициналық қызметтердің сапасына, дәрі-дәрмектерге және заманауи диагностикалық жабдықтарға сұраныс артып келеді.
Алматы қаласының прокуроры Серік Қәріпбековтың төрағалығымен мемлекеттік және құқық қорғау органдарының бірінші басшылары, сондай-ақ қаланың денсаулық сақтау жүйесінің жетекшілерінің қатысуымен Үйлестіру кеңесінің отырысы өтті.
Күн тәртібінде Қоғамдық денсаулық сақтау басқармасы мен Әлеуметтік медициналық сақтандыру қорының Алматы қалалық филиалының қызметіне жүргізілген тексерістің нәтижелері қаралды.
Қаладағы денсаулық сақтау ұйымдарын дамыту мен жұмыс істеуіне бөлінген бюджет қаражаттарын жоспарлау, бөлу және пайдалану кезінде заңнаманың көптеген бұзушылықтары анықталды.
Үйлестіру кеңесінің қорытындысы бойынша денсаулық сақтау жүйесінің жұмысын күшейтуге бағытталған бірқатар бірлескен шешімдер қабылданды.