"Қауіпсіз жол" жедел алдын алу іс-шарасы аясында өткен демалыс күндері Алматыда көлікті мас күйде басқарған 28 жүргізуші ұстады.
Солардың бірі – Рысқұлов даңғылында Lada автокөлігінің жүргізушісі. Ол полиция қызметкерлері тоқтатқан кезде тексеріліп, сараптама бойынша оның "жеңіл дәрежедегі" мас күйде болғанын расталды, деп хабарлайды aqshamnews.kz Polisia.kz-ке сілтеме жасап.
"Қауіпсіз жол" іс-шарасының мақсаты – жол-көлік оқиғаларының алдын алу, жол қозғалысы ережелерінің бұзылуына тосқауыл қою және әсіресе мас күйде көлік жүргізу деректерін болдырмау. Жыл басынан бері Алматы қаласында 800-ден астам мас жүргізуші анықталып, барлығы заң аясында жауапкершілікке тартылды.
– Алкогольдік ішімдік ішіп, көлік тізгіндеген адам тек өзінің ғана емес, өзгенің де өміріне қауіп төндіреді. Полиция мұндай құқық бұзушылықтарды анықтауды және олардың жолын қатаң түрде кесуді жалғастырады. Біз азаматтарды жауапкершілікке шақырамыз. Егер мас жүргізушіні байқасаңыз, бірден полицияға хабар беріңіз, – деді Алматы қалалық полиция департаменті жергілікті полиция қызметі басқармасының бастығы Серік Шумаев.
"Қауіпсіз жол" акциясы жалғасып жатыр.