Алматы қалалық Полиция департаменті саябақтардың бірінде демалушылар мінген әткеншектің кенеттен тоқтап қалуына байланысты тергеуді бастады, деп хабарлайды 24.kz-ке сілтеме жасап.
Қазір оқиғаның мән-жайы анықталып жатыр, оның қорытындысы бойынша құқықтық баға берілетін болады. Айта кетейік, жексенбі күні демалыс саябақтарының бірінде жұмыс істеп тұрған «Түймедақ» каруселі кенеттен тоқтап, ондаған адам биікте тұрып қалған.
Парк әкімшілігінің хабарлауынша, аттракционның тоқтауына қауіпсіздік датчигінің іске қосылуы себеп болған. Карусельдегі барлық адам сегіз минут ішінде аман-есен төменге түсірілді. Оқиғадан ешкім зардап шеккен жоқ.