2026 жылы 21 ақпанда сағат шамамен 04:00-де Чокин көшесі, 37 мекенжайы маңындағы магистральдық жылу желісінде технологиялық сипаттағы құбыр ақауы анықталды. Аталған желі 1971 жылы пайдалануға берілген, төсемі – жерасты, - деп хабарлайды aqshamnews.kz.
Бұл туралы қалалық Энергетика және сумен жабдықтау басқармасының өкілдері айтты.
Қазіргі уақытта «Алматы жылу жүйесі» ЖШС мамандары арнайы техника мен жөндеу бригадаларын тарта отырып, қалпына келтіру жұмыстарын жүргізіп жатыр. Жұмыстарды бүгін аяқтап, жылумен жабдықтауды штаттық режимге көшіру жоспарланған.
Жөндеу кезеңінде Райымбек – Боткин – Рысқұлов – Сейфуллин көшелерінің аумағындағы бірқатар тұтынушыларға жылу беру уақытша шектелді.
Қалған тұтынушыларға жылу беру параметрлері қалыпты режимде сақталуда. Жұмыстардың барлығы аяқталғаннан кейін жылумен жабдықтау толық көлемде қалпына келтіріледі.
Қандай да бір төтенше жағдай (су немесе бу шығуы) туындаған жағдайда, өз бетінше әрекет жасамауды сұраймыз. Дереу төмендегі нөмірлерге хабарласыңыздар:
+7 (727) 378-06-65 (тәулік бойы)
+7 (727) 341-07-77 (08:00–18:00 аралығы).