Алматыда 1980 жылдан бастап пайдаланылған 1,5 км-ден астам құбыр ауыстырылады
2024 жылдың 3-15 қыркүйегінен бастап Алматы қаласы Жетісу ауданы Бродский көшесінде Казаков көшесінен автобус паркіне дейін көлік қозғалысы жабылады (Бродский көшесі, 37Г), деп хабарлайды Almaty-akshamy.kz.
Қозғалыс екі бағытта да жабылады.
1980 жылы пайдалануға берілген аталған көше бойындағы 1502,5 метр үшін құбырды ауыстыру кезіндегі жұмыстың қауіпсіздігін қамтамасыз ету үшін уақытша шектеулер енгізіледі. Бұл құбыр 73 нысанды жылы және ыстық сумен қамтамасыз етеді. Реконструкция кезінде осы аумақта тұратын тұтынушыларды ыстық сумен қамтамасыз ету тоқтамайды.
Уақытша қолайсыздыққа түсіністік танытуға және көрсетілген аймақты айналып өтудің жолдарын алдын-ала ойластыруды сұраймыз.