Пандемияға байланысты байқау онлайн және офлайн форматта өтуде.
Алматыда халықаралық «Бозторғай» балалар шығармашылық байқауы өтіп жатыр. Бүгін байқаудың соңғы күні, деп хабарлайды Almaty-akshamy.kz Almaty.tv сілтеме жасап.
"Алатау" дәстүрлі өнер театрында онлайн және офлайн форматта ұйымдастырылған сайысқа еліміздің әр өңірінен жас дарындар қатысуда.Сондай-ақ шет мемлекеттердің таланттары да өз өнерлерін таспаға жазып жолдап, бақтарын сынап жатыр.
Жас дарындардың өнерін өркендетуге бағытталған халықаралық деңгейдегі «Бозторғай» байқауы Алматыда 23-ші мәрте "Алатау" дәстүрлі өнер театрында ұйымдастырылып отыр.
Оған Қазақстан мен ТМД елдерінің және Болгария, Чехия, Италия, Португалия мен Испанияның жас таланттары қатысып жатыр. Шетелдік өнерпаздар орындаған туындыларын бейне таспаға жазып, жолдаған.
Үкілі домбыра мен саз-сырнай, жетіген. Құлақтан кіріп, бойды алған халық әндері мен әсем күй орындаған жас өрендер осылай көпшілікті тәнті етуде. Байқауда Рамазан Стамғазиев, Лаки Кесоглу секілді еліміздің танымал тұлғалары қазылық етіп, 60-тан аса әнші, 20-дан аса дәстүрлі орындаушылар мен 16 би тобының өнеріне баға беріп жатыр.