Алматыдағы жұмыс орындарының жартысын шағын және орта бизнес қамтамасыз етіп отыр, деп хабарлайды aqshamnews.kz
Алматы еліміздегі кәсіпкерліктің басты орталығы ретіндегі мәртебесін нығайтып жатыр. 2025 жылы шағын және орта бизнесті мемлекеттік қолдауға 50,6 млрд теңге бөлінді. Бұл Қазақстандағы басқа өңірлермен салыстырғанда ең көп қаржы. Өңірлік коммуникациялар қызметінде Алматы қаласы әкімінің орынбасары Олжас Смағұлов осылай деп мәлімдеді.
Оның айтуынша, Алматыда шағын және орта бизнес жұмыс орындарының жартысын құрайды. 2024–2025 жылы қаланың қаржылық бағдарламалары аясында жалпы сомасы 390 млрд теңге болатын 3,5 мың жобаға қолдау көрсетілді.
«Басты мақсат — мейлі кофехана болсын, мейлі стартап болсын, Алматыда кез келген кәсіпкер қаланың және мемлекеттің қолдауын сезінуі тиіс», — деді Алматы қаласы әкімінің орынбасары Олжас Смағұлов.
