2024 жылдың 26 қыркүйегінде Алматыда кезекті Бірыңғай есеп беру күні ұйымдастырылады. Шара барысында қалалық бақылау-қадағалау органдары 2024 жылдың 1 қаңтары мен 1 тамызы аралығында атқарған жұмыстары жайлы мәлімет береді, деп хабарлайды aqshamnews.kz
Бірыңғай есеп беру күнінің мақсаты – бақылау және қадағалау қызметін реформалау аясында атқарылатын шараларды түсіндіру, кәсіпкерлердің құқықтық сауаттылығын арттыру, сондай-ақ қауіпсіз және заңды қызметті ұйымдастыру мәселелерін талқылау.
Іс-шараға кәсіпкерлік субъектілері, өңірлік кәсіпкерлер палатасының өкілдері, бақылау және қадағалау органдары, мемлекеттік қызмет және сыбайлас жемқорлыққа қарсы іс-қимыл жөніндегі уәкілетті органдар мен қала прокуратурасының мамандары қатысады.
Шараға қатысу үшін төмендегі нөмірге хабарласуыңызды сұраймыз: 390-21-09. Іс-шара 26 қыркүйек күні сағат 15:00-де басталады. Өтетін орны: Достық үйі, Құрманғазы көшесі, 40.