2024 жылы Алматыда есірткінің заңсыз айналымына байланысты 716 бұзушылық анықталды, оның ішінде — 1 тоннадан астам тыйым салынған заттар тәркіленіп, 23 есірткі зертханасы жойылды, деп хабарлайды aqshamnews.kz.
Бұл деректер Өңірлік коммуникациялар қызметінің алаңында айтылды.
Алматы қаласы ПД есірткі қылмысына қарсы Іс-қимыл басқармасының аса маңызды істер жөніндегі аға жедел уәкілі Дәурен Көбеевтің ақпаратына сәйкес, интернет арқылы контакт жасамай-ақ, таратылатын синтетикалық есірткілер аса қауіп төндіреді. Бір жыл ішінде «есірткі қойып кетуші» деп аталатын 105 адам ұсталды, бұл өткен жылғы көрсеткіштен әлдеқайда жоғары.
«Тамыз айында аса ірі операция жүргізілді: психотроптық заттарды жасырын өндірудің үш ұйымдастырушысы ұсталды, 20,6 кг — нан астам « мефедрон» және 750 кг прекурсорлар, сондай-ақ 800-ге жуық алдын ала оралған есірткі байламы тәркіленді», - деді Д.Көбеев.
Нашақорлыққа қарсы күрес аясында 2024 жылы есірткі сатушылармен байланысқан 12 200 граффити боялып, бұғаттау үшін «Кибернадзорға» жіберілген 623 интернет-сайт анықталды.
Өткен жылы қалада халықтың есірткіге қарсы иммунитетін қалыптастыру мақсатында 715 профилактикалық іс-шаралар, соның ішінде акциялар, семинарлар мен дөңгелек үстелдер өткізілді.
«Біз жедел-іздестіру іс — шараларына ғана емес, сонымен қатар қала тұрғындары үшін қауіпсіз ақпараттық орта құра отырып, белсенді профилактикалық жұмыстарға да назар аударамыз», - деп атап өтті ПДБ өкілі.
42 метро мониторлары мен 129 LED экрандарында танымал спортшылардың қатысуымен әлеуметтік бейнелер көрсетіледі, сонымен қатар барлық тұрғындар үшін қолжетімді анонимді сенім телефоны (WhatsApp 8-705-549-70-25) туралы ақпарат орналастырылған.