«Сәлем» базарында бірнеше контейнер отқа оранды
Алматыдағы «Барахолка» базарынан өрт шықты, деп хабарлайды Almaty-akshamy.kz.
Алматы қалалық төтенше жағдайлар департаментінің мәліметінше, 6 ақпан күні сағат 21:09 шамасында өрт сөндірушілер Жетісу ауданы, Бөкейханов көшесі, 508а мекенжайына шақыртуға шықты.
«Алғашқы өрт сөндіру есептері оқиға орнына 3 минутта келді. Олар «Сәлем» базарында бірнеше контейнердің отқа оранғанын анықтады. Алдын ала ақпарат бойынша, өрт 120 шаршы метр аумақты шарпыған. Оқиға орнында екі өрт сөндіру учаскелері құрылды», - деп хабарлады ведомстводан.
Сағат 21:42-де өрт оқшауланды. Оқиғадан зардап шеккендер жоқ. Өрттің шығу себебі анықталып жатыр.