Қазақстанда ауа райына байланысты дауылды ескерту жарияланды
6 ақпан, бейсенбі күні Қазақстанның басым бөлігінде ауа райының күрт өзгеруіне байланысты "Қазгидромет" РМК дауылды ескерту жариялады. Ел тұрғындарын тұман, боран, күшті жел, аяз және ауаның ластануы күтіп тұр. Бұл туралы Aqshamnews.kz сайты хабарлайды.
Астанада түнде және таңертең тұман түседі. Солтүстік-шығыстан соққан желдің екпіні таңертең және күндіз 15-18 м/с-қа дейін жетеді.
Алматыда ауа температурасының күрт төмендеуі күтілуде. Таулы және тау бөктеріндегі аудандарда түнде қатты аяз болады, кей жерлерде ауа температурасы -25 градусқа дейін төмендейді.
Шымкентте түнде және таңертең тұман түседі. Шығыстан соғатын желдің екпіні 15-20 м/с-қа дейін жетеді.
Синоптиктердің хабарлауынша, еліміздің кейбір өңірлерінде қолайсыз метеорологиялық жағдайлар сақталады. Бұл әсіресе ауа сапасына әсер етуі мүмкін.