Алматыда аптап ыстыққа байланысты көшелерге су шашу күшейтіледі, деп хабарлайды Aqshamnews.kz.
16–20 шілде аралығында Алматыда ауа температурасы +42 градусқа дейін көтеріледі деген болжамға байланысты қала көшелерін суару жұмыстары күшейтіледі.
Қала әкімдігінің мәліметінше, осы күндері 16 арнайы техника колоннасы жұмысқа жұмылдырылып, 128-ден астам көшеде жолдарға су шашып, ауаны салқындату (аэрация) жұмыстарын жүргізеді. Бұл жұмыстар әсіресе күннің ең ыстық уақытында магистральды көшелер мен жаяу жүргіншілер көп жүретін аумақтарда атқарылады.
«Қазгидромет» РМК болжамынша, 16–20 шілде аралығында Алматыда биыл алғаш рет ауа температурасы +40 градустан асып, кей жерлерде +42 градусқа дейін жетеді.