Алматыда 3 және 9 наурыз аралығында көшелер мен инфрақұрылымды тазарту бойынша ауқымды жұмыстар жүргізілуде
Алматыда «Таза Қазақстан» жалпы республикалық бағдарламасы және «Алматы – біздің ортақ үйіміз» қалалық науқаны аясында көшелерді тазарту, қалалық инфрақұрылымды ретке келтіру және заңсыз сауда объектілерін бұзу бойынша ауқымды жұмыстар жүргізіледі.
Науқан бір айға созылады. Бірінші апта ішінде «Таза көшелер» деген атпен заңсыз орнатылған сауда нүктелерінт жаппай бөлшектеу, жалпыға ортақ пайдаланылатын аумақтарда жаңа урналар орнату жүргізілетін болады. Сондай-ақ, магистральдарды абаттандыру, жол жабындарын жөндеу, таңбалау бойынша «Қауіпсіз жол» акциясы өтеді.
Апта ішінде жалпы ауданы 24 м3 және ұзындығы 2 777 км болатын 2 318 көшені тазалау жұмыстары белсенді жүргізілетін болады. Айта кетейік, күн сайын қала көшелерінен 150 тоннадан астам смета мен кездейсоқ қоқыс шығарылады. Магистральдық көшелерді тазарту күніне екі рет, ал аудандық маңызы бар көшелерді тазарту күн сайын жүргізіледі. Коммуналдық қызметтер 56 жерасты және 78 жерүсті жаяу жүргіншілер өткелдерін тазалайды, 1765 аялдама павильондарын, 480 бағдаршам объектілерін, жарықтандыру аспаптарын жуады.
Жалпы, «Алматы – біздің ортақ үйіміз» науқаны аясында 600-ден астам заңсыз стационарлық емес сауда объектілерін (СЕО) бөлшектеу, 12 мың вандалға қарсы урна орнату, 4020-дан астам ауланы абаттандыру, 445 саябақ пен гүлзарды, өзендер мен көлдердің жағалауларын тазалау, сондай-ақ 5 мың ағаш пен бұта отырғызу жоспарланған. Науқанның мақсаты-экологиялық мәдениетті және қоршаған ортаға ұқыпты қарауды қалыптастыру.