Алматыда Жастар саясаты басқармасының қолдауымен креатив жастарға арналған TikTok мектебі ашылады, - деп хабарлайды aqshamnews.kz тілшісі.
Оқу бағдарламасы екі айға жоспарланған және аралас форматта өтеді: сабақтың жартысы онлайн, жартысы офлайн форматта ұйымдастырылады. Курсты TikTok саласының маманы, блогер, әлем бойынша жалпы аудиториясы 23 миллионнан аса оқырманы бар Адалият Бакиева жүргізеді.
Мектеп қатысушыларға контент жасаудың қыр-сырын және оны дамытуға бағытталған. Оқу барысында жастар TikTok трендтерімен, платформаның алгортимдерімен, сторителлинг негіздерімен, түсірілім және монтаж әдістерімен танысады. Сонымен қатар, жеке бренд қалыптастыру мен аудиториямен жұмыс істеу мәселелеріне ерекше көңіл бөлінеді.
Алматы Жастар саясаты басқармасы айтуынша, бұл жоба жастардың шығармашылық әлеуетін арттыруға және оларды заманауи цифрлық индустрияларға тартуға арналған тиімді алаң болмақ.
Алғашқылардың бірі болып тіркелген – жас контентмейкер Ернар Сембеков. Ол бейнежазбалар түсіріп жүргенімен, қаралым мен жазылушылар санын арттыруда қиындықтарға тап болып жатыр.
"Бұл мектеп мен үшін контентпен дұрыс жұмыс істеуді үйренуге үлкен мүмкіндік. Сарапшылардан ақыл-кеңестер алып, өз идеяларымды сәтті жобаларға айналдыруды үйренемін деп үміттенемін", – деді ол.
Өтінімдер 6 маусымға дейін қабылданады. Тіркелу сілтемесі мына жерде.