26–27 қыркүйек күндері Алматыда «Акушерлік және неонатологиядағы анестезиология және қарқынды емнің өзекті мәселелері» атты республикалық ғылыми-тәжірибелік конференция өтеді.
Іс-шара ҚР Денсаулық сақтау министрлігінің қолдауымен, «Анестезиологтар және реаниматологтар федерациясы» республикалық қоғамдық бірлестігі, Педиатрия және балалар хирургиясы ғылыми орталығы және «Акушерлік, гинекология және перинатология ғылыми орталығы» АҚ ұйымдастыруымен өтеді, - деп хабарлайды Aqshamnews.kz.
Конференция жұмысына Қазақстанмен қатар Түркия, Ресей, Өзбекстан, Тәжікстан, Қырғызстан және Беларусь елдерінен келген мамандар қатысады. Қатысушылар қатарында акушер-гинекологтар, неонатологтар, анестезиолог-реаниматологтар, мейірбикелер мен медициналық жоғары оқу орындарының ғалымдары бар.
Конференцияның басты тақырыптары:
Іс-шара аясында келесі мәселелер талқыланады:
- Жүкті әйелдерге көрсетілетін анестезиологиялық көмек пен қарқынды емнің ұйымдастырылуы;
- Перзентханалардағы анестезиолог-реаниматолог дәрігерлерінің қызметіндегі өзекті мәселелер;
- Қазақстандағы ана мен нәресте өлімін төмендету жолдары;
- Перинаталдық орталықтардағы кадр тапшылығы, әсіресе орта медициналық қызметкерлердің жетіспеушілігі;
- Анестезиологиялық көмекті жетілдіру стандарттары мен заманауи әдістерді енгізу.
Секциялық отырыстар мен симпозиумдар тақырыптары:
- Жүктілік кезінде асқынулар жағдайындағы анестезия мен қарқынды ем
- Ауыр акушерлік жағдайларда анестезиологиялық қолдау
- Босану кезіндегі жансыздандыру әдістерін таңдау
- Жүкті әйелдерде тыныс алу жолдарын қамтамасыз етудегі қиындықтар
- Перзентханалардағы кадрлық жүктеме мен тапшылық
- Анестезиологиялық көмекті ұйымдастыру стандарттарын жетілдіру
- Акушерлік және неонатологияда заманауи әдістерді енгізу
- Акушерлік анестезиология мен қарқынды ем саласындағы соңғы жаңартулар
- Орта медициналық қызметкерлерінің кәсіби рөлі
- Неонатологиядағы анестезиология мен қарқынды емнің дамуы
Шеберлік сабақтар мен формат:
Конференция шеңберінде 25 қыркүйек күні Акушерлік, гинекология және перинатология ғылыми орталығында үш шеберлік сабағы ұйымдастырылады.
Іс-шара форматы – гибридті (офлайн және онлайн қатысу).
Қатысушылар саны: шамамен 1 000 адам, оның ішінде 300 делегат.
Өтетін күндері: 26–27 қыркүйек, 2025 жыл
Басталуы: сағат 09:00
Өтетін орны: Алматы қаласы, «Қазақстан» қонақ үйі, Достық даңғылы, 52/2