Қазір оның жобалық-сметалық құжаттамасы әзірленуде
Бұл туралы қалалық мобильділік басқармасы мәлім етті, деп хабарлайды Almaty-akshamy.kz ҚазАқпаратқа сілтеме жасап.
А. Жұбанов көшесі Б.Момышұлы даңғылынан қала шекарасына дейін бес шақырымға ұзартылатын болады.
«Қазіргі уақытта А. Жұбанов көшесін Б.Момышұлы көшесінен қала шекарасына дейін ұзарту үшін жобалау-сметалық құжаттамасын әзірлеу жұмыстары басталды. Жобаға жаяу жүргіншілер, велосипед және төрт жолақты жол кіреді. Сатып алатын жер телімдерінің саны жоба дайын болғанан кейін белгілі болады», - деп хабарлады қалалық мобильділік басқармасы.
Басқарма басшысы Ғани Мұрзахановтың айтуынша, жобалық-сметалық құжаттама келесі жылдың шілде айында аяқталады. Бұған дейін Н.Тілендиев көшесі мен Солтүстік айналма жолы солтүстік бағытта Үлкен Алматы айналма автомобиль жолына дейін ұзартылатыны туралы жазған болатынбыз.
Жалпы 2030 жылға дейін Алматыда 38 көше ұзаратылады. Сарапшылар жаңа көшелерді екі кезеңде салуды ұсынып отыр. Көшелердің бір бөлігі - 2025 жылға дейін, ал екіншісі - 2030 жылға дейін.