Алматыда жаңа оқу жылына дайындық аяқталып келеді. 2024 жылдың 2 қыркүйегінен қалада 308 519 оқушы жаңа оқу жылын бастайды, бұл өткен жылмен салыстырғанда 8 мыңға көп, деп хабарлайды aqshamnews.kz.
Мұндай деректерді ӨКҚ брифингінде қала әкімінің орынбасары Әсем Нүсіпова келтірді. Биыл барлығы 28 144 бала бірінші сыныпқа барғалы отыр.
«Биылғы жылы оқушылар контингентінің өсуі 8 мың баланы құрайды, бұл өткен жылдың көрсеткіштерінен 15% – ға төмен», - деп атап өтті ол.
Сонымен қатар, жергілікті бюджеттен жалпыға бірдей білім беру қорына 1,6 млрд теңге бөлінді, бұл балаларды мектеп формасымен және кеңсе тауарларымен қамтамасыз етуге мүмкіндік береді.
«Бүгінгі таңда мектеп формасын, аяқ киімді, спорттық киімді және кеңсе тауарларын сатып алуға 55 мың теңгеден 12 684 мұқтаж бала қаржылай көмек алды», - деп атап өтті ол.
Сонымен қатар, демеушілер мен меценаттар тарапынан көмек көрсету бойынша жұмыстар жүргізілуде. 1 тамызда ХӘОТ санатындағы балаларды мектеп формасымен және керек-жарақтарымен қамтамасыз ету бойынша дәстүрлі жыл сайынғы «Мектепке жол» республикалық акциясы басталды. Науқан 30 қыркүйекке дейін жалғасады.
Осылайша, демеушілер мен меценаттар есебінен жалпы сомасы 275 млн. теңгеге 5010 балаға көмек көрсетілді.