Алматы әкімі Ерболат Досаев Қазақстан Президенті Қасым - Жомарт Тоқаевқа есеп беру барысында Алматыда мегаполисте қоғамдық көліктің экологиялық түрлеріне толық көшуі бойынша белсенді жұмыс жүргізіліп жатқанын мәлімдеді, деп хабрлайды Almaty-akshamy.kz.
"2023 жылы 1 430 бірлік экологиялық көлік жеткізіледі, оның ішінде жергілікті бюджет есебінен 600 автобус пен 100 троллейбус. Жеке тасымалдаушылар 730 автобус, оның ішінде 30 электробус сатып алатын болады. Келесі жылдан бастап дизельді автобустарды сатып алуға тыйым салынады", - деді Ерболат Досаев.
Аталған шаралар қоғамдық көлікті экологияландыру деңгейін ағымдағы жылдың өзінде-ақ 60% - ға және 2025 жылға қарай 100% - ға дейін жеткізуге мүмкіндік береді, деп түйіндеді сөзін Алматы әкімі.
