Жаңа оқу жылында Алматының 133 мыңнан астам оқушысы тегін ыстық тамақпен қамтамасыз етіледі. Бұл туралы ӨКҚ брифингінде Алматы әкімінің орынбасары Әсем Нүсіпова айтты, деп хабарлайды aqshamnews.kz.
Ол үшін жергілікті бюджеттен 16,5 млрд теңге бөлінгені айтылды.
«Халықтың әлеуметтік осал топтарынан шыққан балалар үшін тамақтану тегін болады, бұл жерде 1-11 сынып оқушылары қамтылады», - деді Әсем Нүсіпова.
Ол сондай-ақ тамақтану құны 840 теңгені құрайтынын, бұл еліміз бойынша ең жоғары екенін атап өтті.
«Дұрыс теңдестірілген тамақтану – бұл біздің балаларымыздың денсаулығы мен табысының кепілі», - деп толықтырды ол.