Бұл туралы «Алатау Жарық Компаниясы» АҚ баспасөз қызметінің өкілдері мәлімдеді, деп хабарлайды aqshamnews.kz тілшісі.
2026 жылы 14 тамызда сағат 14:38-де «KEGOC» АҚ-ға тиесілі электр беру желілерінде ажырату тіркелді. Электрмен жабдықтаудың бұзылуы салдарынан «Алатау Жарық Компаниясы» АҚ желілерінде апатқа қарсы автоматика іске қосылып, Алматы қаласы мен Алматы облысындағы тұтынушылардың электр қуаты ажыратылды. Бұл туралы «Алатау Жарық Компаниясы» АҚ баспасөз қызметінің өкілдері хабарлады.
Энергетикалық жүйенің жұмыс режимі тұрақтандырылып, электрмен жабдықтау қалпына келтірілгеннен кейін бұған дейін енгізілген жүктемені ажыратудың арнайы автоматикасы тоқтатылды. Сағат 19:00-де Алматы қаласы мен Алматы облысы тұтынушыларын электрмен жабдықтауға қойылған барлық шектеу толық алынды.
Қазіргі уақытта «Алатау Жарық Компаниясы» АҚ-ның жедел көшпелі бригадалары қосалқы станцияларды аралап, электр желілеріндегі жүктемені тексеріп жатыр. Мамандар желінің сенімді әрі тұрақты жұмысын қамтамасыз ету мақсатында жабдықтардың жағдайы мен электрмен жабдықтау параметрлерін бақылап жатыр.