Туризм нысандарына қоғамдық көлікпен келу үшін 27,6 млрд теңге бөлінеді.
Алматыда туризмді 680 млрд теңгеге дамыту жоспарлануда, деп хабарлайды Almaty-akshamy.kz LS сілтеме жасап.
Әкімдіктің жоспарына сәйкес, 2023-2030 жылдары осы саланы дамыту үшін жалпы соманың тек 12,6 млрд теңгесі жергілікті бюджеттен қаржыландыруға тура келеді. 667,4 млрд теңге жеке инвесторлар есебінен тартылатын болады.
Инвестициялардың ең көп көлемі индустрияны дамытуға бағытталады. Оның ішінде 2024 жылға дейін әуежай жаңғыртылуы тиіс.
Сондай-ақ, бас жоспар әзірленіп, нөмірлік қорды ұлғайту жоспарлануда.
Алматы агломерациясында бірқатар жобалар таулармен байланысты (123,6 млрд теңге): ЦСКА тау шаңғысы базасын қайта жаңарту (6,6 млрд теңге), "Шымбұлақ" курортын жаңғырту (52 млрд теңге), "Бутаковка" курортын салу (65 млрд теңге).
Туризм нысандарына қоғамдық көлікпен келу үшін 27,6 млрд теңге бөлінеді. Оның ішінде демалыс орындарына 40 км аспалы жол салуға - 27,5 млрд теңге. Бұл ретте үш нұсқа қарастырылады. Біріншісі (Есентай өзенінің бойында): Орталық стадион – шаңғы трамплиндерінің кешені – Көк Жайлау шатқалы; екіншісі (Кіші Алматы өзенінің бойында): Орталық саябақ. Горький – Көк-Төбе – "Медеу" мұз айдыны; үшінші (Үлкен Алматы өзенінің бойында): "Сайран" автовокзалы – Тұңғыш Президент паркі – БАО. Қолданыстағы жолдармен интеграциялау және мемлекеттік-жеке меншік әріптестікті қолдану жоспарлануда.
Бұдан басқа, туризм саласындағы қазақстандық мамандардың біліктілігі арттырылып, шетелдік сарапшылардың тәжірибесі тартылатын болады.