Вакцинация тұмаудың алдын алудың тиімді әдісі болып қала береді. Бұл туралы бүгін Алматы қаласының Өңірлік коммуникациялар қызметінің алаңында Алматыдағы №36 қалалық емхананың жалпы тәжірибелік дәрігері Рауан Нүркенов айтты, - деп хабарлайды almaty-akshamy.kz
ЖРВИ және тұмау санының артқаны байқалады. Дәрігер мұны мегаполистегі халықтың көптігімен және адамдар көп жиналатын орындармен түсіндірді. Сондықтан вирустық аурулар өте тез таралады. Дәрігердің айтуынша, тұмау әлі де белгілі бір қауіп төндіреді.
«Тұмаумен ауырғандар көбейіп келеді. Тұмаудың негізгі штаммдарына қарсы иммунитет бар. Бірақ тұмау штамдары жыл сайын мутацияға ұшырайды. Жыл сайын бізге тұмаудың жаңа штаммдары келеді. Сондықтан тұмауға қарсы вакцина жыл сайын өзгертіліп отырады», - деді ол.
Р.Нұркеновтың айтуынша, вирустар әсіресе созылмалы аурулары бар адамдар үшін қауіпті.
«Бізге келген науқастар арасында арасында жүкті әйелдер де бар. 15-20 пайыз шамасында. Сәйкесінше, қазірдің өзінде маусымдық тұмаумен ауыру жүріп жатыр. Жүкті әйелдер тұмаумен және ЖРВИ-мен ауырған кезде оларға профилактикалық және симптоматикалық ем көрсетіледі, соның арқасында олардың жағдайының жақсаруы байқалады. Антибиотиктер, егер қазірдің өзінде асқынулар болса, көрсеткіштер бойынша ғана тағайындалады. Егде жастағы адамдарда асқынулар жиі кездеседі, өйткені олардың созылмалы аурулары бар. Ал балалардың иммунитеті толық қалыптаспаған», - деді спикер.
Аурудың алдын алу үшін дәрігер иммунитетті көтеріп, адамдар көп баратын жерлерден сақ болу және денсаулықты күту керек деген кеңес берді.
Р.Нұркенов денсаулыққа күтіммен қарап, иммунитетті көтеріп, спортпен шұғылдануға кеңес берді.