Қаламыздың тұрғындары кеше түнде Crocus City Hall ғимаратында болған қайғылы оқиғаға байланысты Ресей дипломатиялық өкілдіктеріне гүл шоқтарын әкеліп жатыр, деп хабарлайды Almaty-akshamy.kz тілшісі.
Соңғы мәліметтерде лаңкестіктің кесірінен үш баланың қаза болғаны, ауруханаға 115 адамның апарылғаны туралы айтылды.
Бүгін Мемлекет басшысы Қасым-Жомарт Тоқаев Ресейдегі лаңкестік оқиғаға байланысты қабылданатын шаралар туралы Қауіпсіздік Кеңесінің мүшелерімен жиын өткізеді.
«Қазақстан Мәскеудегі бейбіт азаматтарға қарсы террористік актіні қатаң айыптайды», – деп мәлімдеді Президент Қасым-Жомарт Тоқаев.
