21-22 жас шамасындағы екі жігіт Панорама шыңына шыққан.
Қайтар жолда қатты дауыл тұрып, оларға өз беттерінше түсу қиынға соққан, деп хабарлайды aqshamnews.kz.
Құтқарушыларға Іле Алатауының Кіші Алматы шатқалында туристерді іздеуге тура келді. Жастарға медициналық көмек қажет болмады.
"Ауа-райын алдын-ала қарап алмағандықтан, олар қатты дауылда қалып, сол себепті белгіленген уақытта таудан түсе алмады. ҚР ТЖМ РЖҚЖ жедел тобы "Панорама" құтқару кабинасынан туристерді тауып, оларды таудан аман-есен түсірді", - деп хабарлады ТЖМ.