Бутаковка шатқалында жаңа «Бұтақты» визит орталығы салтанатты түрде ашылды. Жобаны «Туранга Групп» ЖШС-гі Іле-Алатау ұлттық саябағымен бірлесіп, Алматы қаласы әкімдігінің қолдауымен жүзеге асырды, – деп хабарлайды aqshamnews.kz тілшісі.
Нысан ұлттық саябақтың 30 жылдығы аясында пайдалануға беріліп, туристік инфрақұрылымды дамытуға, қызмет көрсету сапасын арттыруға және келушілер үшін қолайлы жағдай жасауға бағытталған.
Визит орталығы аумағында заманауи қоғамдық дәретханалар, тамақтану орны, тимбилдинг пен шеберлік сабақтарын өткізуге арналған аймақтар, сондай-ақ мектеп оқушыларына, мемлекеттік және жеке топтарға арналған ашық аспан астындағы білім беру және мәдени бағдарламаларға арналған кеңістіктер қарастырылған. Орталықта ұлттық саябақтың жаңа топтамасындағы кәдесый өнімдері мен фирмалық тауарлары ұсынылған. Сонымен қатар, келушілерге ыңғайлы болу үшін жаңартылған навигация және аумақты брендтеу элементтері енгізілген, бұл табиғи саябақты кеңінен танытуға бағытталған.
Жаңа «Бұтақты» визит орталығы экологиялық ағарту, мәдени және білім беру іс-шараларын, эко-белсенділіктерді, шеберлік сабақтарын және тимбилдингтерді өткізуге арналған заманауи алаңға айналады. Бұл тұрақты туризмді дамытуға және Алматы тұрғындары мен қонақтары арасында экологиялық мәдениетті қалыптастыруға ықпал етеді.
Экологиялық туризмді дамыту Алматы қаласы Туризм басқармасының басым бағыттарының бірі болып қала береді. Мамандар келушілерді табиғатты қорғап, ұлттық саябақ аумағында тазалық сақтауға шақырады.