«Алматы Су» МКК ұжымы конституциялық реформа мәселелері бойынша өткен республикалық референдумға жоғары қызығушылық танытты. Таңғы сағат 9:30-ға дейін қызметкерлер мен олардың отбасы мүшелерінің 47%-дан астамы дауыс беріп үлгерді, – деп хабарлайды aqshamnews.kz тілшісі.
Кәсіпорын тәулік бойы сумен жабдықтау және су бұру қызметін қамтамасыз ететіндіктен, дауыс беру күні қызметкерлердің бір бөлігі кезекшілікте болды. Мәселен, Жасұлан Керімнің жетекшілігіндегі апаттық бригада желілерді тексеру арасындағы уақытты пайдаланып, сайлау учаскелеріне барып дауыс берді. Ал Алматы облысында тіркелген кейбір слесарьлар Алматы қаласында тіркеуден шығару куәліктері арқылы дауыс берді.
«Алматы Су» ғимаратында орналасқан учаскеде алғашқы келген азаматтарға естелік сыйлықтар табысталды. Қызметкерлердің айтуынша, референдумға қатысу — маңызды азаматтық міндет әрі елдің дамуына өз үлесін қосудың бір жолы.