Алматы – Сеул рейсінде әжетханада шылым шеккен әйелге 196 600 теңге айыппұл салынды, - деп хабарлайды Aqshamnews.kz тілшісі.
Алматы әуежайында көлік полициясы қызметкерлері Алматы – Сеул бағытындағы рейсте тәртіп бұзған жолаушыны анықтады. Департаменттің мәліметінше, Тәжікстан азаматы - 35 жастағы әйел ұшақтың әжетханасында шылым шегіп отырған жерінен ұсталған. Қазақстан заңнамасы бойынша бортта темекі тарту қатаң тыйым салынған және жолаушылар мен экипажға қауіп төндіреді.
Оған қатысты әкімшілік хаттама толтырылып, 50 АЕК көлемінде айыппұл тағайындалды. Бұл - 196 600 теңге.
Кейінгі 10 айда көлік полициясы әуе рейстерінен 520 жолаушыны түрлі құқықбұзушылық үшін түсірген. Оның 131-і - ұшақта темекі шегу фактілері.
Құқық қорғаушылар жолаушыларды авиациядағы қауіпсіздік ережелерін қатаң сақтауға шақырды.