«Алматы сән және қызмет көрсету саласы колледжінде» 24 сәуір күні «Конституция – елдің басты заңы» атты дөңгелек үстел жиыны өтті, – деп хабарлайды aqshamnews.kz тілшісі.
Шараның басты мақсаты – Ата Заңның қоғамдағы рөлін ұлықтау, жастардың құқықтық сауаттылығын арттыру және мемлекеттік құндылықтарды насихаттау болды.
2026 жыл-еліміздің құқықтық дамуы мен демократиялық жаңғыруы тұрғысынан ерекше маңызға ие кезеңдер орын алды. Қазақстан қоғамы үшін Қазақстан Республикасының Конституциясы-тек заңдар жиынтығы ғана емес, ол – мемлекетіміздің негізін қалаушы басты құндылық, тәуелсіздіктің символы және азаматтардың құқықтары мен бостандықтарының кепілі. Ол әрбір азаматтың өмір сүру құқығын, сөз бостандығын, еңбек ету мүмкіндігін қамтамасыз етуде үлкен рол атқарды. 2026 жылы Конституцияның рөлі бұрынғыдан да арта түстіру мақсатында референдум өткізілді. Қазіргі әлемдегі жаһандық өзгерістер, геосаяси жағдайлар мен технологиялық даму мемлекеттердің құқықтық жүйесін үнемі жетілдіруді талап етті. Халықтың мемлекетке деген сенімін арттырып, демократиялық құндылықтарды нығайтуға ықпал етуде.
Жиынға Ішкі саясат басқармасы, Білім беру ресурстары орталығы, Алматы қаласының Ғылыми-білім беру ортасымен өзара әрекеттесу бөлімінің басшысы Қасыметова Бақытгүл Техникақызы және Алматы қаласы Ғылыми-білім беру ортасымен өзара әрекеттесу бөлімінің жетекші маманы Абысатова Майя Бахтыбекқызы мен ұстаздар студенттер қатысып, еркін пікір алмасты.
Дөңгелек үстел барысында Ата Заңның мемлекетіміздің іргетасын қалаудағы тарихи маңызы мен бүгінгі реформалар аясындағы рөлі кеңінен талқыланды.
Талқыланған негізгі мәселелер:
· Құқықтық мемлекет негізі: Конституция – тек заңдар жиынтығы емес, ол әрбір азаматтың құқығы мен бостандығының кепілі. Жиын қатысушылары заң үстемдігі орнаған қоғамда ғана тұрақты даму болатынын атап өтті.
· Азаматтық жауапкершілік: Құқықтармен қатар, Конституцияда көрсетілген міндеттерді орындау (табиғатты қорғау, тарихты құрметтеу, Отанды қорғау) – әрбір қазақстандықтың борышы екені сөз болды.
· Реформалар және болашақ: 2026 жылы 15 наурызда енгізілген конституциялық өзгерістердің мемлекетті демократияландыру жолындағы маңызына сараптама жасалды.
«Конституция – біздің бірлігіміздің тірегі. Заңды білу – заман талабы, ал оны құрметтеу – отансүйгіштіктің белгісі», – деп атап өтті жиын барысында сөз алған колледждің тәрбие ісі жөнінен орынбасары Омарова Күнімай Нұрлыбаевна мен тарих – география пәні оқытушысы Керімбекова Аққу Қалибекқызы Конституцияның жобасын жан- жақты түсіндіріп өтті.
Жиын қорытындысы
Дөңгелек үстел соңында қатысушылар жас ұрпақ арасында құқықтық тәрбиені күшейту бойынша ұсыныстарын білдірді. Қатысушылар мұндай іс-шаралар азаматтық қоғамның қалыптасуына үлкен септігін тигізетініне сенімді.
Ата Заңымызды ардақтау – елдігімізді ұлықтау. Мемлекеттің басты құжаты алдағы уақытта да еліміздің гүлденуі мен тұрақтылығының берік тұғыры болып қала бермек.
Кошкарбаева Н.С