Алматы қаласы Әуезов ауданы #202 мектеп-гимназиясында “Соңғы қоңырау” салтанатты мерекесі өтті, – деп хабарлайды aqshamnews.kz тілшісі.
Жиынды мектеп директоры Болат Жанайхан құттықтау сөзімен ашып, ҚР еңбек сіңірген қайраткері Амантай Бергалиев пен Алматы қаласының құрметті азаматы Тастамбаев Саятжан Арманбаевич түлектерге бата берді. Мектепті 2025-2026 оқу жылында 114 түлек түлеп ұшты, оның ішінде 7 Алтын белгіге үміткер, 15 үздік аттестатқа үміткер түлектер, сондай-ақ 20 жуық түлектер ағылшын тілінен IELTS емтиханынан 6-8 аралығда балл жинап, шетелдік озық оқу орындарынан жолдама алды. 11-сынып жетекшісі Әлия Оспанқызы өзінің кәсіби жолында тұңғыш түлектерін түлеткенін, қимастық пен қуаныш қатар өрілген күнде, сәттілік тіледі. Түлектер қазақтың біртуары Мұхтар Шахановтың құрметіне “Ақ бантик” әнін хормен орындады. Барша түлектерге сәт сапар, ақ жол тілейміз!