Алматыда түнгі уақытта қар тазалау жұмыстарының барысын тексеру мақсатында Алматы қаласы әкімінің орынбасары Алмасхан Сматлаев аудан аумақтарын аралады.
Магистральды көшелер, аула ішілік аумақтар және қоғамдық көлік бағыттары қаралды. Аулалардағы техниканың жұмысына, әлеуметтік нысандарға кіреберістерді тазалауға және қар массасын шығаруға ерекше назар аударылды.
Мердігер ұйымдар мен аудан әкімдіктеріне түнгі ауысымдарды күшейту, арнайы техниканың өтуін қамтамасыз ету және тұрғындардың өтініштеріне жедел әрекет ету тапсырылды. Коммуналдық қызметтер тәулік бойы жұмыс істеуде. Қаланы тазалау жұмыстары қардың салдары толық жойылғанға дейін жалғасады.
