Қазақстанда Telegram және ВКонтакте платформаларында жұмыс істейтін танымал танысу боты "Дайвинчик" бұғатталмақ, - деп хабарлайды aqshamnews.kz тілшісі.
Алматы прокуратурасы жас шектемейтін және кәмелетке толмағандардың қауіпсіздігіне қатер төндіретін "Дайвинчик танысу" атты Telegram-арнаны анықтаған.
"Прокуратура сотқа бұл ресурстың жұмыс істеуін заңсыз деп тану және оның Қазақстан аумағындағы қызметіне тыйым салу туралы талап-арыз енгізді", - деп жазылған хабарламада.
Сонымен қатар, кәмелетке толмаған қызға қатысты қылмыстық іс сотқа жолданған.
"Тергеу нәтижесінде кәмелетке толмаған қыз 2025 жылы сәуірде танысу сайтына тіркеліп, бір азаматпен танысып, кейін ол қыз балаға қатысты құқыққа қайшы әрекеттер жасағаны анықталды", - деп жазылған хабарламада.