10-12 қазан аралығында Шымкент қаласында ауқымды республикалық жарыс өтті.
Оған 26 командадан 180 спортшы қатысты, деп хабарлайды aqshamnews.kz Polisia.kz-ке сілтеме жасап.
– Алматы полициясы қызметтері мен бөлімшелерінің қызметкерлері тамаша нәтиже көрсетті. Олардың әрқайсысы жеке сайыста жүлделі орындарға ие болып, біздің департаменттің марапат қорын толықтырды. Алматы полициясы қатарында халықаралық дәрежедегі спорт шеберлері, спорт шеберлері, спорт шеберлігіне үміткерлер қызмет етеді. Қарқынды жаттығулар мен олардың спорттық дағдыларын шыңдау жауынгерлерге оларға жүктелген жедел және қызметтік міндеттерді тиісті кәсіби деңгейде орындауға көмектеседі. Біз өз спортшыларымызды мақтан тұтамыз, – деді Алматы қалалық ПД арнайы және жұмылдыру дайындығы басқармасының бастығы Ерлан Әбсадық.
Алматылық тәртіп сақшылары самбо күресінен келесідей жүлделі орындарға ие болды: – бірінші орынды Алматы қаласы ПД ЖҚАЖ аға инспекторы Дәурен Қамаш иеленді; – екінші орын Алматы қаласы ПД ЖҚАЖ аға инспекторы Райымбек Есдәулетовқа бұйырды; – үшінші орынды Алматы қаласы ПД ЖҚАЖ аға инспекторы Нұрлан Үсенов иеленді; – Алматы қаласы ПД ЖҚАЖ инспекторы Тимур Ғылымбеков үшінші орын алды.