Алматы - Петропавл жолаушылар пойызының шұғыл тоқтауына техникалық вагоннан шыққан өрт себеп болды.
Бұл туралы «Қазақстан темір жолы» Ұлттық компаниясы» АҚ баспасөз қызметі мәлім етті, деп хабарлайды Almaty-akshamy.kz ҚазАқпаратқа сілтеме жасап.
Пойыз жолаушылары отқа оранған техникалық вагонды видеоға түсіріп алған.
Ақпаратты «ҚТЖ» ҰК» АҚ баспасөз қызметі растады.
«Алматы - Петропавл - бұл жолаушылар пойызы. Мұнда жолаушылар вагонынан бөлек, техникалық вагон болады. Өрт сол техникалық вагоннан шықты»,- деп хабарлады «ҚТЖ» ҰК» АҚ баспасөз қызметі.