Алматы мешіттерінде Құрбан айт мерекесіне дайындық жұмыстары жүргізілуде, – деп хабарлайды aqshamnews.kz тілшісі.
Қала мешіттерінде санитариялық шаралар күшейтіліп, келушілерді қауіпсіз әрі жайлы жағдайда қарсы алу үшін қажетті жұмыстар қолға алынған.
Мереке күндері аталған орындарда санитариялық-эпидемиологиялық қызмет мамандары кезекшілік атқарады. Санитариялық талаптардың сақталуы, аумақтың тазалығы, қалдықтардың уақытылы шығарылуы және тұрғындардың қауіпсіздігі тұрақты бақылауда болады.
Сонымен қатар, Құрбан шалуды тұрғын үйлердің аулаларында, көшелерде және рұқсат етілмеген орындарда өткізуге тыйым салынғаны ескертілген болатын.
Құрбан айт мерекесі құтты болсын!