2026 жылғы 6 сәуірде «ALMATY POLYTECHNIC COLLEGE» КМҚК базасында дәстүрлі түрде қатарынан екінші жыл Алматы қаласының мемлекеттік колледждерінің студенттері арасында физика және математика пәндері бойынша қалалық олимпиада өтті, – деп хабарлайды aqshamnews.kz тілшісі.
Бұл іс-шараның басты мақсаты – дарынды студенттерді анықтау және қолдау, жастардың интеллектуалдық әлеуетін дамыту, сондай-ақ физика-математика пәндеріне деген қызығушылықты арттыру болды.
Олимпиадаға жоғары дайындық деңгейін көрсеткен, кәсіби дамуға ұмтылатын қала колледждерінің үздік студенттері қатысты. Қатысушылар өз білімдерін, логикалық ойлау қабілеттерін, талдау жасау дағдыларын және теориялық білімдерін тәжірибеде қолдана білу шеберліктерін айқын көрсетті.
Олимпиада екі кезеңнен тұрды. Бірінші кезеңде қатысушылар Moodle платформасында онлайн тест тапсырды. Тест 20 сұрақтан тұрып, оны орындауға 40 минут уақыт берілді. Бағалау автоматты түрде жүргізілді. Тест нәтижесінде 50%-дан жоғары нәтиже көрсеткен студенттер екінші кезеңге жолдама алды.
Екінші кезеңде қатысушылар физика және математика пәндері бойынша жазбаша олимпиадалық тапсырмаларды орындады. Тапсырмалар әртүрлі деңгейде құрастырылып, білім алушылардың теориялық және практикалық дайындығын жан-жақты бағалауға мүмкіндік берді.
Олимпиада қазақ және орыс тілдерінде өтті.
Екі кезеңнің қорытындысы бойынша келесі жеңімпаздар анықталды:
Математика пәні (қазақ тілі):
I орын – Джумагазиева Мадина Маратқызы (ALMATY POLYTECHNIC COLLEGE)
II орын – Мир Нурниса (Алматы автомобиль және сән индустриясы колледжі)
III орын – Өтеген Досбол Ғабитұлы (Алматы электромеханика колледжі)
Математика пәні (орыс тілі):
I орын – Чапаев Нуриддин (ALMATY POLYTECHNIC COLLEGE)
II орын – Баянбаев Арыстан Қайнарович (Алматинский автомеханический колледж)
III орын – Жигайло Богдан Вадимович (Алматы сервис және технологиялар колледжі)
Физика пәні (қазақ тілі):
I орын – Маутқан Айқын (ALMATY POLYTECHNIC COLLEGE)
II орын – Жолдас Данияар Абайұлы (Алматы электромеханикалық колледжі)
III орын – Оразтай Еркін (Жоғары медициналық колледжі)
Физика пәні (орыс тілі):
I орын – Набоков Мирон Владимирович (Алматинский автомеханический колледж)
II орын – Мақсатқызы Эльнара (Алматы көлік және коммуникациялар колледжі)
III орын – Захаропуло Артём Александрович (Алматинский строительно-технический колледж)
Жеңімпаздар мен жүлдегерлер дипломдармен және сертификаттармен марапатталды.
Олимпиаданың әділ әрі объективті өтуіне қазылар алқасының кәсібилігі үлкен үлес қосты. Әділ қазылар алқасының құрамында:
- Алматы қаласы Білім басқармасы ҚББЖТҒӘО ТжКББ бөлімінің басшысы Сүлейменова Гүлнар Жәлелқызы,
- Диджитал Колледж математика пәнінің оқытушысы, педагог-модератор Рахимжанова Салтанат Кайраллиничн;
- Жансүгіров атындағы №130 гимназия математика пәнінің оқытушысы, педагог-зерттеуші Хайруллина Асель Раисовна;
- Әл-Фараби атындағы Қазақ ұлттық университетінің профессоры Керімбаев Нұрасыл Нұрымұлы
- Алматы автомеханика колледжінің физика пәнінің мұғалімі, Дидарбек Пархат Баймаханбетұлы
Олимпиаданың әділ әрі сапалы өтуіне қазылар алқасының кәсібилігі зор үлес қосты. Қазылар құрамында жоғары білікті мамандар мен тәжірибелі педагогтар болды. Олар қатысушылардың жұмыстарын жан-жақты саралап, объективті бағалады.
Бұл білім додасы студенттердің танымдық белсенділігін арттырып қана қоймай, олардың шығармашылық қабілеттерін дамытуға, өзара тәжірибе алмасуына және кәсіби тұрғыдан қалыптасуына үлкен мүмкіндік берді.
Физика және математика пәндері бойынша қалалық олимпиада – бұл білім мен біліктіліктің, шығармашылық пен технологияның тоғысқан алаңы.
Мұндай іс-шаралар болашақ мамандардың әлеуетін ашып, техникалық білім беру сапасын арттыруға ықпал ететіні сөзсіз.