Өңірлік коммуникациялар қызметінде өткен баспасөз конференциясында Алматы технологиялық колледжінің директоры Ерулан Карагулов ересек тұрғындарды жұмысшы мамандықтарына қысқа мерзімді оқыту бағдарламалары туралы айтып өтті.
Спикердің мәліметінше, қазіргі таңда ересек тұрғындарды даярлау, қайта даярлау және біліктілігін арттыру бойынша қысқа мерзімді бағдарламалар жүзеге асырылуда, деп хабарлайды aqshamnews.kz.
Бұл бағдарламаның ұйымдастырушысы Алматы қаласы әкімдігінің қолдауымен Жұмыспен қамту және әлеуметтік бағдарламалар басқармасы.
«Қазіргі таңда сұранысқа ие мамандықтардың тізбесі әзірленуде, әр колледж өз мүмкіндіктеріне сәйкес мамандықтар бойынша оқытуды жүзеге асырады. Бұл жұмысты «Атамекен» өңірлік кәсіпкерлер палатасы үйлестіретін болады. Колледждерде оқыту 1 айдан 6 айға дейін созылады. Мысалы, біздің колледж ересектерді аспаз және кондитер мамандығы бойынша дайындайды. Сонымен қатар, мектеп пен мектепке дейінгі білім беру мекемелеріне аспаз дайындаумен айналысып жатырмыз», - деді Ерулан Карагулов.