Жиын барысында департамент бастығы Рысбек Тұрғымбаев жеке құрамды ішкі істер министрлігінің алқа отырысында қаралған негізгі мәселелермен таныстырды.
Жиналыста қоғамда "Заң мен тәртіп" идеологиясын ілгерілету жөніндегі 2025-2030 жылдарға арналған тұжырымдаманы іске асыру, заңдылық пен қызметтік тәртіптің сақталуын бақылауды күшейту, кадр саясатын жетілдіру және қылмыстың алдын алу жұмыстарын жандандыру мәселелері талқыланды.
Қорытынды сөзінде Рысбек Тұрғымбаев тәртіпті нығайту, қызметкерлердің кәсібилігі мен жауапкершілігін арттыру, сондай-ақ мекемелердің тиімді қызметін қамтамасыз етудің маңыздылығын атап өтті. Ол бұл бағыттағы жұмыстардың жүйелі түрде жүргізілуі азаматтардың құқықтық мәдениетін арттыруға және қоғамдағы тұрақтылық пен қауіпсіздікті қамтамасыз етуге ықпал ететінін айтты. Сонымен қатар алдағы кезеңде атқарылатын міндеттер айқындалып, нақты тапсырмалар берілді.