Алматыдағы Almaty Hostel хостелінде болған өрт салдарынан 13 адамның қаза болу оқиғасы бойынша іс сотқа берілді, деп хабарлайды aqshamnews.kz
Іс Алматы қаласының Әуезов аудандық сотына тапсырылды. Сот кабинетінде жарияланған мәліметтерге сәйкес, бұл оқиғаға қатысты екі адам айыпталуда.
Біріншісі — хостел иесі, ол бұрынғы қару-жарақ дүкенін хостелге айналдырған. Екіншісі — өрт қауіпсіздігі дабыл жүйесіне жауапты фирманың басшысы
Естеріңізге сала кетсек. Алматыдағы Almaty Hostel-де орын алған өрт 2023 жылдың 30 қарашасында болды. Өрт үш қабатты ғимараттың жертөлесінен басталып, ол хостел ретінде пайдаланылған болатын. Бұл қайғылы оқиға салдарынан 13 адам көз жұмды, олардың көпшілігі иіс тиюден қайтыс болған. Өрт кезінде ғимаратта 72 адам болған, оның 59-ы өздігінен эвакуациялана алды. Өрт бір сағат ішінде өшірілген.