Кіші топтың жеңімпазы 2023 жылдың 4-5 және 6-7 мамырына жоспарланған Төртеу финалына жолдама алады
Швейцарияның Ньон қаласында футзалдан Чемпиондар лигасы элиталық кезеңінің жеребесі тартылды. Рәсімнің қорытындысы бойынша алматылық "Қайрат" С кіші тобына түсті, оған сәйкес ойындар Алматыда 23-26 қараша аралығында өтеді, деп хабарлайды Almaty-akshamy.kz.
Алматылықтар өз алаңында чехтың "Хрудим", Мальта елінің "Люксолын" және 2010 жылғы мини-футболдан УЕФА Кубогының иегері "Бенфика" португал командасын қабылдайды.
Элиталық кезеңдегі С квартетінің матчтары 2022 жылдың 23-26 қараша аралығында Алматыда өтеді, деп хабарлайды "Қайрат" ФКҚ баспасөз қызметі.
Кіші топтың жеңімпазы 2023 жылдың 4-5 және 6-7 мамырына жоспарланған Төртеу финалына жолдама алады.