Бүгін Қазақстан Республикасының Президенті жанындағы Орталық коммуникациялар қызметінде Алматы қаласының әкімі Ерболат Досаев Алматы қаласының жыл басынан бергі әлеуметтік-экономикалық дамуы жайында есеп беріп жатыр.
Биылғы жылдың 5 айында мегаполис экономикасы қарқынды түрде өсті, деп хабарлайды Almaty-akshamy.kz.
«Қысқа мерзімді экономикалық индикатор 122,2%-ке дейін жеделдеді. Жылдық инфляцияның баяулауы аясында іскерлік белсенділік индексі 58,7 проценттік тармаққа дейін жеделдеді (Абай облысынан кейінгі II орын - 58,8). Салыстырмалы түрде айтқанда, 2022 жылы қысқа мерзімді экономикалық индикатор – 106,7%, ҚР – 103,5%, іскерлік белсенділік индексі 51,0», -деді қала әкімі.
Сауда саласы +27,2%, өңдеу өнеркәсібі +24,4%, көлік және қоймалау +16,7% экономика өсімінің драйверлері болды. Негізгі капиталға 484 млрд. теңге инвестиция тартылған. Бұл ретте, жеке инвестициялар 2,7%-ке өскен.
«Еңбек нарығындағы жағдай тұрақты. Осы жылдың басынан бері 29,4 мың жұмыс орны ашылды, оның 60%-ті тұрақты (17,6 мың). 2023 жылдың қорытындысы бойынша қала экономикасының өсуі 5–5,5% деңгейінде бағаланады, Ал 2022 жылы жалпы өңірлік өнім – 19 066,6 млрд. теңге, яғни өсім – 5,1% тең болған», - деді Е.Досаев.