Астрономдар Алматыда полярлық шұғыла көрінуі мүмкін екенін болжады. Бұл құбылыс күшті магниттік дауылдың нәтижесінде орын алуы ықтимал, деп хабарлайды aqshamnews.kz.
Ғалымдардың мәліметінше, 10-12 қазан аралығында Күнде болған ірі жарқылмен байланысты қуатты геомагниттік дауыл күтілуде.
"9 қазанда Күнде X1.8 деңгейіндегі жарылыс болды, ол плазманың тез бөлінуімен қатар жүрді. Бұл плазма Жерге 10 қазан күні жетеді деп күтілуде. Плазманың көлемі үлкен және құрылымы әртүрлі, сондықтан дауылдың салдарын болжау қиын. Ең нашар сценарий бойынша, биылғы мамыр айындағыдай бесінші деңгейдегі дауылдардың қайталануы мүмкін. Бірақ төртінші деңгейдегі дауылдың үш күнге созылуы ықтимал", — деп хабарлады астрономдар.
Сондай-ақ ғалымдар полярлық шұғыланың 40 градус ендікте көрінуі мүмкін екенін, оған Алматы, Сочи және Владивосток қалалары кіретінін айтты.