Алматыдағы жабық мұз айдынының шағын залының бірінші қабатында спорттық инвентарь өртенді, деп хабарлайды aqshamnews.kz
Өрт сөндірушілер жеткенге дейін келушілер мен қызметкерлер ғимаратты өз беттерімен қауіпсіз түрде тастап шықты.
Газ-түтіннен қорғау қызметі жүргізген барлау және өртті сөндіру жұмыстары барысында 2013, 2016 және 2019 жылы туған төрт бала құтқарылды. Оларды арнайы құтқару қалпақтарының көмегімен қауіпсіз жерге шығарып үлгерді.
Өрт аумағы 40 шаршы метрді құрағанымен, өрт сөндірушілердің жылдам әрекет етуінің арқасында оттың көрші бөлмелерге таралуына жол берілмеді.