«Almaty аqshamy» және «Вечерний Almaty» газеттері «Air Astana» жолаушыларына қолжетімді.
«Air Astana» әуе компаниясы – әлемдік деңгейдегі компания. Оның түрлі номинацияларда көптеген марапаттары бар және ол Қазақстанның Ұлттық авиатасымалдаушысы. «Air Astana» заман талабына сай, заманауи технологияларды енгізіп, өз жолаушыларының жайлылығы үшін қолдан келгеннің бәрін жасауда. Мерзімді басылымдарға қол жеткізуді де назардан тыс қалдырмады. Егер бұрын бортқа баспа өнімдері жиналған болса, қазір «Air Astana» жолаушыларға ыңғайлы болу үшін арнайы жүйені іске қосты. Енді билетті сатып алу кезінде авиакомпанияның сайтында тіркелу кезінде кез келген жолаушы «My press» белгісі бойынша өте алады. Онда газеттер, журналдар тек сандық нұсқада ұсынылған, «Almaty аqshamy» және «Вечерний Almaty» газеттерінің нұсқасы да бар.
Financial Times, The New York Times, Frankfurter Allgemeine, Oman Daily және басқа да әлемдік баспа брендтерімен қатар, енді ұшақ бортындағы жолаушылар мегаполистің ең танымал қалалық басылымдарын оқи алады.
«Alataý Аqparat» ЖШС коммерциялық директоры Қуаныш Дюскалиевтің айтуынша, бұл - екі газет үшін де үлкен жетістік.
– Бұл мәселе «Air Astana» әуе компаниясының корпоративтік коммуникациялар департаментімен талқыланды. Департамент біздің басылымдарымызды қарап, шешім қабылдауға жеткілікті уақыт алды. Барлық қазақстандық БАҚ-тан бұл жүйеге біз ғана, ал ресейлік БАҚ-тан «Известия» кірді. Бұл – біздің газеттердің заманауи және онда өзекті контент бар екендігінің көрсеткіші. Біріншіден, біз ресми БАҚ-пыз, екіншіден, оқырманға пайдалы және қызықты болатын шынайы ақпаратты ғана ұсынамыз. Газетті дамытуда бұл үлкен қадам, – деп атап өтті ол.