Жақында ғана жаңартудан өткен Алматыдағы Терренкур бүгінде қала тұрғындарының сүйікті орнына айналды. Алғашқы күндері бұл жаңа демалыс орнына күніне 3 мыңдай адам келсе, қазір олардың саны 10 мыңнан асқан.
Аппарат басшысы жаңартылған инфрақұрылымды сақтаудың маңыздылығына тоқталып, шағын сәулет нысандарын күнделікті күтіп-ұстау, ақауларды дер кезінде жойып, бейнебақылау камераларын орнату және келушілерге ыңғайлы болу үшін автотұрақ орындарын қарастыруды тапсырды, деп хабарлайды Aqshamnews.kz.
Зенков көшесіндегі «Халық қатысатын бюджет» аясында жөнделетін аулаларды аралау кезінде автосуару жүйесінің жұмыс істемей тұрғанына назар аударылып, оның себебін анықтау міндеттелді. Сондай-ақ, аулаларға жарық беруді ұйымдастыру мен уәкілетті органдардың рұқсатымен ағаштарды күтіп-баптау қажеттілігі айтылды.
Аппарат басшысы мердігер компания өкіліне жөндеу жұмыстары айдың соңына дейін аяқталмаса, сотқа жүгініп, мердігерді жауапсыз деп тану үшін сотқа талап-арыз беретінін айтты.
Көк базарға барған кезде Ерлан Исабеков тұрғындардың базар айналасындағы тазалыққа байланысты жиі шағым айтатынын атады. Сонымен қатар таңғы уақытта (сағат 6.00-ден 8.00-ге дейін) ұйымдаспаған сауданы заң талаптарына сәйкестендіріп, содан кейін қолайлы жағдай жасауды ұсынды. Бұл сауданың көп жылдан бері жалғасып келе жатқанын әрі тұрғындарға жергілікті ауылшаруашылығы өнімдерін қолжетімді бағамен алуға мүмкіндік беретінін ескеру қажеттігін айтты.
Қаланың Орталық саябағында аппарат басшысы қоғамдық кеңістіктің жағдайымен танысып, күтім сапасымен танысты. Ерлан Исабеков саябақ аумағындағы ағаштарды санитарлық мақсатта кесу мен жарық жүйесін жақсартудың қажеттігін атады.
