Батырымыз пікір білдірді
Ұлттық Олимпиада комитетінің дерегінше, грек-рим күресінен Қазақстан командасының капитаны Алмат Кебіспаев маусымды қорытындылап, өз көрсеткіштеріне көңілі толатынын айтты, деп хабарлайды Almaty-akshamy.kz
«Өткен маусымда Қазақстан чемпионатында жеңіске жеттім. Азия біріншілігінде күміс, әлем чемпионатында қола медаль жеңіп алдым. Көрсеткіш жаман емес, көңілім толады.
Әрине, Олимпиадаға жол түспегені аздап өкіндіреді. Бірақ еңсемді түсірмеймін. Спорттық ғұмырымдағы әрбір сәтімді бағалаймын. Әлі ұлттық құрамадан кеткенім жоқ. Жаңа жылдан бастап жаңа жоспарлар құрамыз», - деді Кебіспаев.