Алматы қаласы әкімінің орынбасары Алмасхан Сматлаев өңірлік коммуникациялар қызметінде өткен брифингте «Біз – Алматы» кешенді абаттандыру бағдарламасының қалай жүзеге асып жатқанын баяндады.
Алмасхан Сматлаевтың айтуынша, қалалық ортаны ауқымды абаттандыру — бұл уақытша ғана жамап-жасқап қоя салатын нәрсе емес, көшені, қоғамдық кеңістіктер мен инженерлік инфрақұрылымды қамтитын үлкен шаруа екен.
Қаладағы қандай өзгерісті алсаңыз да, бір қолайсыздықпен қатар жүреді ол. Ұзаққа шыдайтын сапалы жұмыс істеу үшін кейде уақыт керек», - дейді.
«Біз – Алматы» бағдарламасы біртұтас тәсіл қағидатына негізделген. Яғни бір аумақта кеңістіктің функционалдығы, қауіпсіздігі, ыңғайлылығы мен көгалдандыру жағы қатар шешіледі. Мұндай формат пайдасыз шешім шығарып, бір жерді қайта-қайта жөндегеннен аулақ болуға мүмкіндік береді.
Алмасхан Сматлаев қала нүктелік абаттандырудан саналы түрде бас тартып, ұзақ мерзімге есептелген жүйелі шешімдерге көшіп жатқанын атап өтті.
«Біз бытыраңқы жобалардан бас тарттық. Бүгінде қалалық ортаға арналған бірыңғай стандарттарды бірден енгізген қолайлырақ, сонда жан-жақты өзгеріс болып, ол ұзақ уақыт жұмыс істейді», - дейді әкімнің орынбасары.
Ол барлық жобаны жоспарлау барысында көлік ағындары, құрылыс тығыздығы мен іргелес ауданның тұрғындарының мүддесі де ескерілетінін айтты. Жұмысты кезең-кезеңімен жүргізіп, салалық басқармалар мен аудандық әкімдіктеру уақыты мен сапасын қадағалап отырады.
Әкім орынбасары жобаларды жүзеге асырып қана қоймай, оны тұрғындарға түсінікті әрі ыңғайлы етуге барын салып жатқандарын атап өтті.
«Бір реттік нәрседен бас тартып, өмірді шынымен жақсартатын қолайлы қалалық орта қалыптастыруды көздеп отырмыз», - дейді Алмасхан Сматлаев.