Алмалы ауданы Қала күнін жаңарған әрі бұрынғыдан да жайлы кейіпте қарсы алды, деп хабарлайды aqshamnews.kz
Себебі қала ең әуелі ауладан басталады. Бұл біздің өмір сүріп, демалатын, көршілермен араласатын ортамыз.
Биыл аудандағы аулалар айтарлықтай өзгерді. «Халық қатысатын бюджет» бағдарламасы аясында жобалардың басым бөлігі аяқталды: 23 аула жөнделіп, 4 аула көгалдандырылды, тек бір ғана нысанда жұмыс жалғасып жатыр. Ал ағымдағы жөндеу аясында жоспарланған 33 жобаның 25-і толық бітіп, қалған 8 аулада құрылыс жұмыстары жүріп жатыр.
Тұрғындар үшін бұл көбірек жасыл желек, жаңа балалар және спорт алаңдары, демалыс пен көрші-қолаңмен жүздесуге ыңғайлы аймақтар деген сөз. Әрбір көркейтілген аула – Алматының заманауи әрі көрікті қалаға айналуындағы қадам. Мұнда көшелер мен алаңдардың келбеті ғана емес, адамдардың өз үйінде қалай сезінетіні де маңызды.
Қала күніне орай Алмалы ауданы тұрғындарға жаңарған аулаларды тарту етіп отыр. Бұл Алматының шынымен де адамдар үшін жайлы қала болуына бағытталған игі іс.